Клуб на почесни конзули на Републике Северна Македонија

Клубот на Почесните Конзули на Република Северна Македонија е основан во 2019 година како Здружение на граѓани кое ќе служи за афирмација на државите кои ги претставуваат почесните конзули во Република Северна Македонија, афирмација на Република Северна Македонија, како и развивање на меѓународната соработка на економско, спортско, научно, културно, образовно и едукативно поле со државите кои ги претставуваат почесните конзули во Република Северна Македонија.

Дел од почесните конзули, поточно, девет од нив ја увидоа потребата од формирање на Клуб во рамки на кој сите именувани почесни конзули ќе можат да се вмрежат и да создадат реален простор во кој ќе разменуваат мислења, идеи, ќе формираат заеднички ставови во насока на зголемување и унапредување пред се на бизнис климата во Република Северна Македонија, а воедно, ќе овозможат и поддршка на активности од разни области со што ќе дадат личен придонес во градењето на односите помеѓу земјите кои ги претставуваат и Република Северна Маќедонија.

Остварените индивидуални резултати на почесните конзули претставуваат колективно добро за земјите кои тие ги поврзуваат.

На 10 октомври 2019 година за претседател на Клубот беше избран г. Ајдован Адемовски, кој воедно е и почесен конзул на Република Турција, за заменик претседател е избран г. Имер Селмани, кој е почесен конзул на Република Албанија, а во март 2022 година за генерален секретар на Клубот беше избран проф.д-р Марко Андонов, почесен конзул на Грузија.

Визијa

Визијата на КЛУБОТ НА ПОЧЕСНИТЕ КОНЗУЛИ на Република Северна Македонија најсилно се рефлектира во градењето и спроведувањето на иновативни и релевантни истражжување и проекти од областа на афирмација и развивање на меѓународна соработка на економско, спортско, научно, културно, образовно и едукативно поле со државите кои ги претставуваат почесните конзули на Репубика Северна Македонија.

Мисија

Има дипломатска, прагматична, благородна и исклучително значајна мисија која се реализира преку конкретни цели:

• Афирмација и развивање на меѓународна соработка во сите сфери на општественото живеење;
• Создавање можности за поттикнување на иновативни решенија преку релевантни истражувања и проекти за различни области
• Иницирање на активности со кои ќе се поддржи и афирмира работата на почесните конзули
• Промоција на државите кои ги претставуат почесните конзули
• Зајакнување и проширување на билатералната соработка помеѓу Република Северна Македонија и земјите кои се претставувани од страна на почесните конзули.